 |
Ken Robinson Yaradıcı Məktəblər |
"Uğurlu olan şəxslər əksərən üstün olan təhsil mədəniyyətindən dolayı deyil, üstün olan təhsil mədəniyyətinə rəğmən uğurlu olurlar."
İmtahan, imtahan, bitmək-tükənmək bilməyən imtahan...Hər halda bu kitabda əhatə olunan mövzulardan heç biri standartlaşdırılmış imtahanlar qədər emosional reaksiya yaratmır.
İnternet bu mövzunu müzakirə edərkən ağlayan müəllimlərin və "tüstüsü təpəsindən çıxan" valideynlərin (ya da əksinə) videoları ilə doludur. Şəxsi bloqlarda imtahanların doğurduğu stress, həyəcan, məyusluq və bir çox digər zərərlərdən ətraflı bəhs edən milyonlarla söz dolaşır. Bütün bunlara baxmayaraq, standartlaşdırılmış imtahanların yayılmasına qarşı çıxışlar pik nöqtəsinə çatsa da, onlar hələ də həm Amerikada, həm də bütün dünyanın təhsil səhnəsində öz üstünlüyünü qoruyub saxlamaqdadır.
Elə isə həll yoluna doğru gedən yolda sizə köməkçi bir vasitə təqdim edirik! Onlarla dilə tərcümə olunaraq müxtəlif ölkələrdə satış rekordu qırmış "Yaradıcı Məktəblər" kitabı hal-hazırda içində olduğunuz bu vəziyyətdən çıxış yolu tapmağınız, uşaqlarınıza necə daha yaxşı təhsil və dolayısı ilə, daha yaxşı gələcək verə biləcəyinizi anlamağınız üçün sizi bir daha düşünməyə vadar edəcək.
"Nə aldığımız oyuncaq miqdarı, nə keçirdiyimiz "keyfiyyətli zaman", nə də verdiyimiz özəl təhsil, - qısacası, etdiyimiz heç bir şey uşaqlarımızın əlindən aldığımız azadlığı bərpa edə bilməz. Uşaqların azad bir şəkildə oyun oynayarkən öz təşəbbüsləri ilə öyrəndikləri şeylər başqa yollarla öyrədilə bilməz."